السبت، 10 مايو 2008

تنويمة ....وغنيوة

هووووووووون
*
ولما قالوا دا ولد
إنشد ضهري وانسند
جابولي البيض محمّر
وعليه السمن عام ..
*
ولما قالوا دي بُنية
طربقوا الفرن عليا
وجابوا لي البيض بقشره
ومعلهش إلا المِي مايه...
هووووووووون ..
*
2-
الســــت ملوك
قاعدة تلــــوك
ف ابريق فضة..
كلـــه سلوك
**
المصدر : الست حماتي وخالتي ..

هناك 6 تعليقات:

m.sobhy1990@gmail.com يقول...

شكلك بدأتى تجمّعى التراث بجد

غير معرف يقول...

مش كل اللي اتقال كان صح
لكن مع الاسف
كله اتحفظ

Zianour يقول...

محمد: ايوه يلاا همتك معايا بقى.. اكيد فى الذاكرة عندك حاجات كتيرة..
تحياتي
د.مصطفى: لا تغرنك المظاهر يا دكتور .. لتنويمة دي في غاية الجمال لانها تنقل مشهدين سينمائيين متناقضين.. انجاب فتاة يتطلب شجاعة لانها تحمل معها الحياة كلها .. ونحن نقدس الموت.. ولعلمك المرأة فقطمن يستطيع ان يتحمل هذه البهدلة والعنصرية التي لا يمكن ان يتحملها الرجل.. تحياتي
زيانور

د. إيمان مكاوي يقول...

جبت الكلام ده منين , بس زي العسل..
أحب أطمنك عليه أنا كويسه وبخير ومش مصممه أقلقك ولا حاجه بس تعرفي إني مبسوطه جدا بقلقك ..قصدي بصديقه زيك ...إدخلي المدونه فيها جديد ..
تحياتي

حاجات جوايا يقول...

ايه ده ده أنا كنت فاكره الكلام ده بتاع جدتى الله يرحمها بس
كانت بتنيم به ولاد خالتى

بس باختلاف

لما قالولى ده بنية
اتهدت الدار عليا
وجابولى البيض بقشره
وبدل السمن ميه

كان ابن خالتى يفرح واخته تزعل
التفرقة حتى فى الاغانى ياااااااااربى

بس التانية دى معرفهاش ومسمعتهاش قبل كده

دمتى بخير اختى
أتمنى الزيارة

Zianour يقول...

ايـــما:
اهلا ايما و الف مرحب .. والكلام ده اهو باحاول اجمّعه من المحيط بتاعي ويا ستي ربنا يديم عليكي الصحة


ساااااااالي:
احيي مرورك وما دام الست الجدة قالت يبقى انتي فاكرة ومنتظرة منك هذه الاشعار التراثية التي اهتم كثيرا بها ..شكرا على مرورك وبالنسبة لموضوع التفرقة فمتخافيش البنات جاااااامدين قوي!! تحياتي