الأربعاء، 7 مايو، 2008

ع ت م ة ..

مع إنــي
عديت التلاتين
بتلات سنين
*
ورغم
تلات أربع شعرات
بيض متحنيّين
*
ورغم وقوع
الفرح
والالم..
والفـقــد..
والميلاد..
على مؤشر السنين ..
*
إلا إنــّي
لسه باخاف..
م العتمة
زي خوفي
من النور..

وأنا في رحم امــي..

22.04.2008

هناك 6 تعليقات:

سميرة يقول...

ايه الكلام الجميل دا يا زيانور والله اسعدتينا بيه بس ليه بتفكرينا بالعمر اللي عمال بيعدي بسرعة

somaa mahaba يقول...

لالالالا انا مدياكى 25 بس
مش باين عليكى
وحياه زيزو شيلى تاكيد الكلمات اللى حاطاه
سومه_87

Zianour يقول...

ازيك يا سمسمة انتي فين يا بنتي !! وشكرا يا ستي على الزيارة "الصعبة" دي!!
سومة : يا مرحب بيكي.. انا هاخبي ليه!! لا انا مطربة ولا غيره وبعدين السن برضه له هيبة!!!

نور يقول...

حلوه اوى يا زيانور
بتبين انه مهما كبرنا لازم تفضل حاجه بنخاف منها
تحياتى ليكى

حرة المداد. يقول...

سلام الله عليك : بقدر البساطة في الكلمات بقدر الروعة...واصلي الشطحات ...أنا منتظرة

dodda يقول...

جوايا حاجه بتقولى ان
الست اللى عندها مدونه
اولادها سعداء الحظ..
سيجدون امهم تعطى بشكل مختلف عن باقى الامهات
والله يخلى الاولاد