الثلاثاء، 29 أبريل 2008

حلم.. بيتحقق ..

عايزاك تزرع لي
جنب بيتنا
اللي ف خيالي
شجرة توت كبيرة
خضرة ..
وطارحة
طول السنة ..
فروعها مايلة حبتين
لاجل تضلل على البيت..
ورقها الاخضر
يرقص ويغني
مع النسيم..
وتوتها قريب
لايدين ولادنا الصغيرين..
*
وما تنساش
تعمل مرجيحة
بين النخلتين..
ايوة نخلتين
على بعض
مايلين..
زي ما يكونوا اتنين
في حالة وجد..
ويحلم الولدين
وهما بيتمرجحوا
امتى يكبروا
علشان يطلعوا
ويسمعوا بيقولوا ايه..
*
أما بيتنا اللي ف خيالي
عايزاه من الطين
بسقف عالي
شايلاه عروق خشب
معشش فيهم
عصفورين..
زقزقتهم تصحينا
نغسل وشنا
بلون الشروق..
ولون الحيطان
سماوي
معلهمش لوح
الا شخبطة
ايدين
ولادنا الصغيرين..
*
ويكون البيت
على شط صغير
طرح بحر
للنيل..
*
وجنب البيت
والتوتة والنخلتين
ما تنساش
تزرع شجر
فل وياسمين
اعمل منهم عقود
الفها حولين
ايدين ولادنا
الصغيرين
*
أما عن المزيكا
فلو سمحت
مفيش ف البيت
غير زقزقة العصفورين
ورقص ورق التوت
مع النسيم
وضحكة ولادنا
الفرحانين..
25.04.2008

الأحد، 27 أبريل 2008

سؤال ...

من سيكتب هذي القصيدة
حينما ترحلين..
من يرتبها
وينقي بيادر حنطتها
من ظلام المنافي..
ويرشدها لمدى
الياسمين
ابراهيم نصر الله

الأربعاء، 23 أبريل 2008

وحدة ...

باستخبـــى
جوه الوحدة
الضــلمة ..
*
من كتر خوفــي
من الوحــدة ..
والضــلمة ..
22.04.2008

الأحد، 20 أبريل 2008

عن الصحراء ..

هذا الامـــتداد الفسيح
هذه اللامنتهاه ..
حيث لا مكان
لأحد ...
*
Cette vaste étendue
Cet ifini
Où il n' y a de place
Pour personne ...
*
************
*
لوكنت بس تعرف الموجود
في أخر حدود الصبر..
*
مفيش حدود
للصبر
*
في أخر حدود الصبر
موجود.. الصبر.
*
Si tu savais ce qu'il y a
Au bout de la patience
Il n' y a pas de bout à
La patience
*
Au bout de la patience
Il y a la patience.
*
*
Jean-Yves LELOUP
جون-ايف ليلو

الجمعة، 18 أبريل 2008

قرار ..


قررت..
أن أبصق غدأً في وجوههم
أن أضم كياني بعيداً
فوق كرسي مهجور وأسترخ
ألا اجيب
لماذا وكــيف
ان أنصب غلالة
رقيقة وصاعقة
لمن يقترب….
ألا انفعل
بابتسامتهم المرسومة
بأحدث ألوان المكياج
أن أكون في غاية القسوة
لأعذبهم وأحتقرهم…

ولكنهم أتوا هذا المساء
بابتسامتهم المرسومة
وأسئلتهم.. وحقائب السهرة
ووجدتني أبتسم ..
وأصافحهم..
هذا ما يحتمه
واجب الزيارة!

في 31.08.2000

الأربعاء، 16 أبريل 2008

ثوب جديد ..

اليوم لأول مرة
وبعد سبع سنين طوال
ارتدي ثـوباً جديداً
لكنه قصير جدا على حزني
ضيق جداً على محنتي
وكل زر زجاجي أبيض من أزراره
يسقط مثل دمعة على ثنياته
ثقيلة مثل حجر..
راشيل كورن - بولندا

الاثنين، 14 أبريل 2008

رائحة البيوت

(...) بعض البيوت - كما تعرف - لها رائحة مقبضة وغير مرحبة ، وأنا أرغب في أن يفتح بيتنا ذراعيه لكل من نحبهم ويحبوننا...
أنا لا أرغب في أن تكون رائحة بيتنا برائحة العطور ، أو معطرات الجو ، سيكون من الافضل أن يكون البيت برائحة النعناع أو القرفة أو الشيكولاته الذائبة أو التفاح .. والأهم أن تكون الرائحة دافئة.. (..)
غادة محمد محمود - أما هذه .. فرقصتي انا - مدونة الشروق

الأحد، 13 أبريل 2008

أول نبضة...

من عبد التواب الى الشعرة الشايبة
(...)
إذا كان فيه هدف ليكم
ما تتتاوبوش في أيامكم ولا تناموش لياليكم.
لإن البكره ده مش جي.
لان البكره هو اليوم وامبارح
واذا امبارح وقع منكم .. ماهوش طارح ..
على شجر النهارده ...... غـــد .
عبد الرحمن الابنودي - بعد التحية والسلام

اول مرة ..

يا سلام بيت جديد بس المرة دي بيت لوحدي ... من غير نور وزياد .. كفاية عليهم المدونتين التانين .. زي ما يكون كان لازم امر بكل المراحل دي علشان اوصل هنا ويمكن جدا برضه اروح بيت تاني .. موش عارفة لسه .. هنشوف
البيت ده خاص جدا .. للحاجات اللي بحبها واحب اكتبها .. اشعار .. تراث .. حواديت .. وشطحات شخصية.. وممكن ارجع اتكلم عن نور وزياد تاني .. باقول مش عارفة ... هنشوف..