الأربعاء، 14 مايو 2008

غناوي لأطفال ..

*حتة بنت بادلعها ..
وإن جالها الموتي
لاشوحها
حتة بنت باهنيها..
وإن جالها الموتي
لاخليها
---
* اترص اترص
يا ورق الخس
اش جاب التين
ع الياسمين
اطلع يا جميل
---
* فولي فولي
يا سوداني
يا اللي مقلي
ع الصواني
حنتش بنتش
يا اللي بتنتش
هات لي حتة لحمة من داهي...
ست اموكو
بتقول لكو
الهئ الهئ
7 مرات..
نطي يا قطة ف الفنجان
ما تخافيش من الثعبان
دا الثعبان تحت الشجرة
مناخيره حمرا زي الجزرة
---
* جمل ابو قلة
راح المحلة
خيط ديله
بالمسلة
--
المصدر: اروقة الطفولة مع أمي .. والست حماتي

هناك 6 تعليقات:

m.sobhy1990@gmail.com يقول...

وإبتدى المشوار

أنا بقى عندى حاجات كتيرة
وهتبقى مفاجآة

هتقريها قريب

Zianour يقول...

يا اهلا بكل محاولة لحفظ ذاكرة الوطن!!!
على فكرة المحافظة على التراث المفروض يكون اولويه بجد لان الناس دي هتختفي!! منتظزة جدا تواصلك مع الجذور!!
تحياتي

غادة يقول...

يااااااه يا جميل
فكرتينى باحلى ايام عمرى وانا صغيره كانت ايام محصلتش مش زى دلوقتى
و الأحلى كمان حكاوى زمان ساعة المغربيه
تحياتى الجامده ليكى يا زيانور

Zianour يقول...

اهلا بيكي يا نور ومرحبا طيب مادام فكرتك اذن فيه تاريخ يا جماعة وهيضيع بالنسيان او بالاختفاء انا من موقعي هذا اناشد الجميع نشر او ارسال ما حفظه وهو صغير من اغان فلكلورية او تراثية سمعها من جدته او جده او والدته بجد ممكن نحافظ على التراث الشفهي ده !!! ماشي يا نور!!!
تحياتي

دعاء مواجهات يقول...

هههههههههههههه

جااااامد جاااااااامد

هوتهييس آآة بس جاااامد

عزماكى عندى ع الشاى فى المدونة
لو عاوزة نسكافية عااادى

سلاااام ياقمر

حاجات جوايا يقول...

ههههههههههههههه
تعرفى بقا انا معرفش منهم غير فول فول يا سودانى


بس عندى حاجات تانية
اول ما اختى تخلص امتحانات هقررها اصل هى اللى حافظاهم
ويمكن أستغلها بين الامتحانات
ههههههههههههههه

دمتى بخير اختى
وميرسى على زيارتك يا قمر

سالى