الاثنين، 24 مايو، 2010

ماراتونات ضاحكة


كان يعمل بواباً لإحدى العمارات المجاورة


يقطع كل يومٍ ماراتونات ضاحكة للعيش و الخضار


بجانبى كانت هناك محطة ظليلة ،


مجموعة من القلل علقها جارى لعابرى السبيل


لا يستطعم بأى ماءٍ


إلا بهذا الماء الجماعى .


دائماً أحذيته تفوق قدمه عمراً و طولاً .


لسيره صوت خشن ،


و لكن هذه الغفوة في القدم


هى أكثر ما تشعرنى بطيبته


هى و غفوة في لسانه


يتكلم فتهرب الحروف بغير رجعةٍ .


فى إحدى المرات ، أشار إلى جزءٍ من سبابته


و أخبرنى بأن حبة بحجم الفاصوليا


نبتت في رأس زوجته .


أعاد علىّ ما أخبره به الطبيب .


الطبيب أيضاً كان يرى الحقول


التى يحتفظ بها في يده و تحت أظافره .


أثناء مروره ، أستوقفه


و أسأله عن مصير حبة الفاصوليا .


يهز يده يميناً و يساراً


كقارب منسى وسط المياه .


يده المرتعشة كانت أكثر حكمة .


من سيره بدأت أحدس بمصير تلك الحبة ،


أحياتاً أستوقفه


أحياناً أتركه يكمل رحلة الجمع و الطرح إلى البيت


و لكن في كل الأحيان


لم ييأس من حبة للمياه و الظل .


صار سؤالى محطةً لى أيضاً


شهور و القارب يمتلىء بالمياه


تميل اليد’ إلى ناحيةٍ واحدة .


فى يومٍ أزهرت حبة الفاصوليا


و عاد برأس زوجته إلى موطنها في الحقول .




                                        علاء خالد
                                     كرسيان متقابلان



هناك 13 تعليقًا:

احمد أبو العلا يقول...

تحياتى لأختياراتك الدكية
ياريت تعرفينا بمصادر للتعرف على الكاتب
وشكراً...

مُزمُز يقول...

انا مبسوط انك قريتي الديوان ده
ده

ده من احسن الشعر اللي قريته في حياتي كلها
وبحب جدا القسم التاني منه اكتر كمان

dandana يقول...

كنت بسمع كتير ان علاء شاعر ممتاز

بس انتى اديتينى فرصة اقرأله اول حاجة

كدا هافضل ادور ادور ادور لحد لما الاقيله حاجة

مُزمُز يقول...

فيه كمان ديوان تصبحين على خير يا مي
في غاية الصفاااااء ده

Zianour يقول...

باشمهندس احمد

شكرا ليك ويا رب اكون فدتك


معاذ

الشاعر ده بيكتب بصفة اسمها التأني وعدم استعجال الشعر انا بيتهيء لي انه صبور جدا وبيجبر الشعر على القدوم لحد عنده

بجد فيه صور وجمل بهرني تركيبها وما تستدعيه رغم ان الحالة هي اللي بتهمني في المقام الاول

شاعر صبور وجميل بجد

ونشوف الديوان التاني وحمدا لله ع السلامة

ميوية

يا بنتي ادخلي على موقع جهات هتلاقي ما يسرك فيه دواوين كاملة لشعراء كتير ومنهم علاء
jetat.com قسم كتاب الجهة
امال انا باقرأ ازاي في البلد دي
وانا لازمن اقرأ والا ...

بوسات كتيرة
:))

Zianour يقول...

سوري يا مي

الموقع هو

jehat.com

:)

مُزمُز يقول...

غير جهات كمان فيه موقع ديوان للشعر المصري الحديث وده فيه تقريبا اهم اعمال معظم الشعراء النثريين من التمانينات لحد دلوقتي

http://egyptianpoetry.jeeran.com/

عموما انا عندي الديوانين ورق اصلا :) وطباعتهم حلوة جدا والاغلفة تصميم مراته سلوى رشاد الفنانة الفوتوغرافية الجميلة :)
ليه كمان رواية نزلت مؤخرا اكيد سمعتم عنها اللي هيا "الم خفيف كريشة طائر ينتقل بخفة من مكان لآخر"
رواية محصلش زيها قبل كده ف رايي فوق الرائعة

علاء خالد شاعر رقيق وحزين وكتابته هادية جدا وذكية واصيلة ومتحررة
بحس انه بيكتب عن لحظة عدت دايما وبيحاسبها بهدوء وبيفنط المشاعر بحياد بس حياد متعاطف دايما زي حنان الأم كده بالظبط
غير طبعا براعته منطقعة النظير في كل مهارات الكتابة من مجازات وتشبيهات وتكنيكات
كلامك عن انه صبور حقيقي جدا وزي ما قلتلك فعلا عشان كده انا اتعلمت منه كتير في الحقيقة وانا بكتب
ديوانه عن امه لما ماتت هو اسمه تصبحين على خير وده بجد اعجازي وفرق معايا ف نظرتي للحياة ببساطته ورقته وسحره وتعامله مع الحالة والحزن والالم زي ما اتكلمنا كده بصبر وحياد ورقة وذكاء وتفهم

عايز اقوللك انه بعتلي رسالة على الفيسبوك من كام يوم تعليقا على اخر قصيدة حطيتها خلليتني اتنطط من الفرحة بجد مكنتش متخيله هيهتم او هيعلق يعني بس كمان هو اهتم وكمان قاللي كلام حلو جدا
هو انسان ذوق جدا وحساس جدا لما تقراي حواراته وحسب ما سمعت من ناس عرفته

dandana يقول...

دا انتى طلعتى بعيدة أوى على فكرة
:)
بس أديكى قريبة اهو وبنرد على رعض زى ماتكونى قصادى
كدا انا هاتعلق بالمدونة دى بشكل خزعبلى عشان بداية عرفت انك من المنصورة،أدينى بكتشف كمان انك برة
إستحملى بقى
:D
اصلا الواحد يا اما يقرا..يا اما يجيله هسهس...اه والله

بالنسبة لميزو

انا فعلا عندى الرواية دى

قرأت منها جزء وكانت اللغة فيها مُدهشة..بعدها عرفت ان علاء شاعر..فقولت ايوا كدا..كدا الموضوع منطقى شوية
انا متعودة ان اى شاعر كويس لما بيكتب نص نثر او رواية او ايا كان..بيكون منتهى المزيكا

انت يا معاذ طول الوقت بتغيظ فيا..من أول ما عرفتك على فكرة
فاكر ايام أيمان مالكى
فاكر ايام عماد أبو صالح واصله صديق شخصى لعمى وعندى دواوينه اصلها طبعة خاصة ومحدودة..وأصل وأصل
ودلوقتى علاء خالد

دا انت أصلك عيل خنيق اصلا
:P

مُزمُز يقول...

بس يا مي طبعات علاء خالد موجودة ف دار شرقيات
هيا كانت جيالي هدية والله
عموما هو كان خالي مش عمي ودواوين عماد ابو صالح مش عندي بصراحة هيا عنده هو
انا مش بحب اغيظك انتي اللي قلبك اسود بدليل انك فاكرة كل ده :P

dandana يقول...

لا يا معاذ
انا قلبى مش أسود..
ازاى تقول كدا على نسايبك

دا انا فاكرة تاريخنا الملئ بالإغاظات مع بعض وهذا ان دل على شئ فانما يدل على انى أصيلة وفاكرة العيش والملح/ اللى هو فى حالتنا التدوينات والأشعار والمزيكا والذى منه
:)

Zianour يقول...

معاذ وميوية

بجد بجد ... والله العظيم

منورين البيت

:))

dandana يقول...

منور بأهله والله

اصل زى ما انتى شايفة كدا معاذ رغاى مـــــــــــــوت
:P
وانا بقى مابعرفش اسكت..لازمن اقول كل اللى فى جعبتى

MU-KA يقول...

يبدو أنه فاتني الكثييييييييييييييييييييير

إيه ده
بوستات ولوحات وشعر بقى وحركات

انا بقالى اسبوعين مابدخلش كتير على بلوجز

والنهاردة دخلت عند معاذ وقريت الكام بوست الجداد وشفت تعليقاتك ودخلت هنا ولقيت كل الوجبة الدسمة جدا جدا جداااااااااااااااااااا دي



بالنسبة لعلاء خالد
هو طبعا احد مفضليني وبيكتب برهافة مافتكرش إني شفت كتير بيكتبوا بيها من غير رومانسية ساذجة أو زائفة
مش عايز اكرر كلام معاذ اللي فوق بس هو كده فعلا
:)


كمان لو جت لك أى فرصةإنك تقري المجلة اللى بيعملها هو ومراته سلوى رشاد"أمكنة" ماتتردديش
طلع منها 9 أعداد لحد دلوقتي وفي انتظار العدد العاشر اللى بقالى سنة مستنيه وخصوصا انه عن الجامعة
:)


وكفاية رغي كده
D: