وكسر حزين

بيُشرخ في الروح

ويعدي بيها للضلمة

-

وفوضي الغضب

والكبرياء

ما بتمنعش

الألم

ولا بتوقف الأنين

-

والدموع

نجوم بتلمع

من غير ما تسيل

-

والحيرة طلسم

وقسمة ونصيب..

-

07-11-2008

بما إن

بما إن النبضات

عمالة تتباعد

وقلوبنا بتهرب مننا

جوه جسمنا نفسه

تعالي

واربَي الباب

بما يكفي لاجل يمر

اللي محتاجينه من الأمل

عشان مانغرقش

وماتخافيش من الموت

ليمر هو كمان

لإنه بيفضل المرور

من الأبواب المغلقة.

ترجمة عن

Jules Supervielle

دقة قلبك

ولما دقة قلبك

تضخ الدفا

في تكويني

بووم.... أتكور

بووم.... اطمن

بووم.... وأنام

على سحابة بلا هموم

..

وسنا من الشمس

تنوْر الثواني

تبقى نجوم

..

لما دقة

قلبك

..

25-10-08

حدوتة

كان يا مكان

عدد كبير من المرات

كان فيه راجل بيحب واحدة ست
*

كان يا ما كان

عدد كبير من المرات

كان فيه واحدة ست بتحب راجل

*

وكان يا ما كان

عدد كبير من المرات

واحدة ست وراجل

مابيحبوش الراجل والست

اللي بيحبوهم

*

كان فيه مرة واحدة بس

يمكن مرة واحدة بس

ست وراجل

كانوا فعلاً بيحبوا بعض

*

ترجمة عن روبير دينو

Robert Desnos

سأم خريفي

ويسود حزن ملون

دافي

يحوّطه لون

رمادي

سرمدي..

الورق الأحمر والأصفر والبرتقاني

تنفخه الرياح العتيّة

الساديّة

وتسيب الفروع المكلومة

تصرخ في رعشة

-أو في نشوى-

السما الواسعة

فجأة بقت ضيقة

والسحاب التخين

عمّال يعربد فوق

البيوت..

فسافيس المطر

اللي بتنزل على شمسيتي السودا

بكل رقة

بكل هدوء

مزيكا حزينة

تغطي الألوان

..

ويسود حزن

حزن

رمادي

سرمدي...

16.10.2008

آخر ما فعله ضدي

سأتلقى موت أبي
على أنه آخر ما فعله ضديّ
ولن أشعر بالراحة كما كنت أظن
وسأصدق تماماً .. أنه حرمني
فرصة كشف الاورام التي تنامت بيننا
وفي الصباح قد أفاجأ يتورم جفوني
وبأن الميل في عمودي الفقري
قد ازداد حدة..

إيمان مرسال

مفاتيح

المفاتيح التي تفتح الابواب

هي المفاتيح التي تغلق الابواب

والمفاتيح المشنوقة في السلاسل

لا تملك إلا دراما الرنين

لكن المفتاح الذي يموت في جيبي

يذكرني بأنه قد آن الوقت

لكي أكون إمرأة عاقلة

تسكن بيتاً بلا مفاتيح..

بلا ابواب

*

-فاطمة قنديل