الأحد، 1 فبراير 2009

أبدية..

من بين كل اللحظات..
الفــانيـــة
لحظة واحدة
باقف عندها
لما تاخدني
في حضنك الصغير
وتتكوم في حضني
اللي أتمنى يكون كبير..
ساعتها بابتسم
..
مستحيل
استحالة
أكيد
مؤكد
إن اللحظة دي
أبديــــــــــة !!
**
12.2008

هناك 9 تعليقات:

romansy يقول...

كلعاشق وبيحب يتمنى ان اللحظه دى تبقى ابديه
يشعر بالدفء دايما فى حضن من احب

سميرة يقول...

احساس عالي جدا
:)

مُزمُز يقول...

اللي أتمنى يكون كبير
يبطل حرك وفرك كمان
وكمان ميزهقش
ولا ينط بسرعة زي الوزة المفزوعة

احمد أبو العلا يقول...

احلى كلام من ام لأبنها
يابخته
تحياتى لكم جميعا

محمد العدوي يقول...

ايه كومة المستحيلات دي ..


متتحرميش من اللحظة الأبدية دي ابدا ..


:)

Zianour يقول...

رومانسي
اهلا وسهلا بيك وهناك نشاعر اقوى من العشق

سمورة
احساسي بنور وزياد

معاذ:
علي؟؟

طبعا لازمن يفرك وينط بعيد عشان يخلق عالمه الخاص
ربنا يخليه

استاذ احمد
ربنا يخليك ويكرمك يا رب

محمد
ازيك وازاي المنصورة
منور ومنور..

مُزمُز يقول...
أزال المؤلف هذا التعليق.
مُزمُز يقول...

اه
علي
إنتي معاكي حق
تماما

بس أنا أعمل إيه طيب :((
أنا بتكلم عن الحضن
:(

سنة الحياة حقيقة

بس اظن واتصور متهيألي كده
والله اعلم
إن شكل الحضن هيتغير
مع الزمن
مش متأكد بصراحة

إنتي إيه رأيك؟

Zianour يقول...

معاذ
للاسف الحضن هيفضل يتباعد شوية بشوية ويصبج نادر!!!

للاسف ده صحي جدا

بس التعويض هيجي انشاء الله في الاحفاد
او أأمل ذلك

عموما لسه شوية على ما الحضن يتباعد عشان كده انا باستفيد منه قدر المستطاع
انت بقى محظوظ لان الكريدت بتاعك لسه فيه الاولاد - ولو لمجرد الحضن اللي لا يعادله اي مشاعر خصوصا لو قالوا لك انا بحبك قد البلاد والشجر والناس والدنيا وعايزك تستني عشان نموت سوا وهو ما يوجغ قلبي واشفق عليه ثم اخبره كاذبة انني لن اموت وساظل بجواره لارى الابتسامة بنت اللذينا اللي بتضئ الدنيا ليا- والاحفاد انشاء الله بالاضافة لعلي واولاده واحفاده انشاء الله!!!

اطمن

the best is yet to comme
(: