" إيــديا في جيوبي وقلبي طرب
حاسس بغربة بس مش مغترب.."
وابتسم... هكذا
للنهار
للبراح الممتد
لإخضرار آت
لشمس حانية
_
" أنا عندي حنين ما باعرف لمين
ليلي ياخدني من بين السهرانين.."
الأشجار الشاهقة
تمد أذرعها الشبقة نحو السماء
بانتظار الماء والربيع
-
" شعوري موجة عمالة تلعب
عمالة ترقص
فوق جبيني.."
الشمس تغيب
الم يزحف
وكلب يرمح في الافق ويئـــن
-
" يأخذني من تحت ذراعي
يزرعني
يزرعني
في إحدى الغيمــــات... "
يلوح فجأة طائر بعيد
يفرد جناحيه
بعرض سماء صافية...
ابريل 2009
هناك 5 تعليقات:
افكار حلوة وتراكيب جمل جديدة وايضا الصور تدل على مهارة وثقافة لكن اسمحيلى عندى تحفظ على النظم العام او بناء النص يمكن دى تكون قصيدة النثر التى لم اتذوقها حتى الآن أرجو ما تزعليش منى لأنى دائما معجب بأفكارك وأحب اشوف انتاجك اولا بأول وتمنياتى لك بالتوفيق
مقطتفات من اغنيات احبها كلها
بصره
تمنياتي لكي بالتوفيق
تحياتي
استاذ احمد
ربنا يخليك وانا مش زعلانة ولا حاجة انا كان رأيي برضه كده بس الشعر النثري فيه حرية اكتر وجمال خاص جرب تقرأ لايمان مرسال هتحبه
مهرة
ازيك
يا بنتي الارواح جنود مجندة!!!
ذو النون
شكرا لمرورك واتمنى لك كل الخير
انا قريت النص ده من زمان وكان عندي تعليق بس محطيتوش
تقريبا نسيت او كسلت مش فاكر
النص اول مرة قريته ادهشني فعلا
حالتي النفسي ساعتها تقريبا كانت فيها حاجة خللتني اتشد جدا
لما قريته تاني دلوقتي تساءلت هل صح لما انا ربطت كل المقاطع ببعضها
بس انا لسه معجب بالنص ده جدا ومندهش
مندهش من قدرة القصيدة انها تكون على الشكل ده وتكون شعرية فعلا وصادقة جدا وده بيديني ثقة كبيرة في اللغة والتجريب
ومندهش اكتر من الحالة الشعورية اللي وصلتني منه واللي يمكن عشان كانت حالتي زي ما قلتلك ساعتها جاهزة فعملتلي ياس شوية
لما بتقولي انا عندي حنين وتركبي المقطع ده من الاغنية على صورة الاشجار الشبقة ولما تتكلمي عن شعور الغربة المش مفهوم وعن الشعور اللي بيعربد ويتدلع زي الموجة
ومع كل مقطع من دول مقطع تاني يكثف الشعور
بعد كل ده تساءلت غصب عني وبيأس فعلا
هو مش المفروض فيه مرحلة هنوصللها هنرتاح من الاسئلة دي ومن الاحاسيس المبهمة دي
مش المفروض ان انا اللي مراهق وصغير عشان كده ممكن اكون تعبان لكن بكرة اعقل وابقى ناضج واستريح
السؤال ده مأرقني جدا من ساعة ما قريت النص
وكنت بتكلم مع حد وقلتله القصة دي كلها كدليل على تعاستي
يمكن بس نقطة الضوء في المقطع الاخير اللي لاحظتها المرادي
بس انا في المرة الاولى ملتفتتش ليها يمكن لاني حالتي مكنتش مظبوطة وسيطر عليا المود بتاع المقاطع اللي قبلها
المهم ايه لازمة القصة دي كلها
خللينيي بس اقوللك ان النص فعلا شدني وانا حبيته وان انا دلوقتي مصدق المقطع الاخير منه وبغني معاكي بس ممكن اغنية تانية غير كلمات ماجدة الرومي :))
إرسال تعليق