مفــــكرة: كل يوم

السبت، 24 يناير 2009

كل يوم

صوت المترو

اللي رايح .. واللي جاي

وريحة القهوة

وخبط الاطباق والمعالق

ولغط الناس الناعم

والسلم الكهربا

ونسختين من الجرايد

خارجين من الصف

بيبصوا علينا

ومادين ايديهم ...

12.2008

هناك 11 تعليقًا:

Asmaa Fathi يقول...: دى مصر

يمكن زحمة بس جميلة

جواها الدفء شيفينه بعنينا

الامان على ارضها لمسينه بادينا

وحتى ناسها لو غريب بتحس انك فى عنيهم

زحمة بس منقدرش نستغنى عنها

فى كل مكان تلاقى روح الحياة

ناس رايحه وناس جايه

تقبل تحياتى; 24 يناير 2009 في 11:16 ص
dodda يقول...: مش عارفه ايه اللى خلانى افتكرك النهارده بالقوه دى؟؟!!!

انا كان بقالى فتره مش بفتح المدونه
وتقريبا لما رجعت نسيه كبيره من التعليقات من مدونين جداد

الاحداث اللى خلتنى ارجع اكتب كبيره ومهمه ومؤلمه..
من وسط ده كله..
اول ما فتحت عينى افتكرتك وعملت سيرش عشان الاقى مدونتك!!!

لاقيت كام كلمه مرصوصين
اه قليلين ..
بس معبرين ومؤثرين..
ريحةالقهوه تجنن..
وصباحك فل..; 24 يناير 2009 في 12:17 م
د. إيمان مكاوي يقول...: أولا بجد وحشتيني ...فينك ..بتتأخري وترجعي
زي النسمه
فكرتيني بالدفء والمشاعر الفياضه التي نفتقدها في الغربه
تحياتي
دمت بكل الحب; 25 يناير 2009 في 3:06 ص
سميرة يقول...: لما قرات الكلمات

اعطتنى احساس بالحياة

بكل صخب الحياة

بوسي القبيلة; 25 يناير 2009 في 2:34 م
احمد أبو العلا يقول...: حلوة الصورة السينمائية دى
جربى تكتبى سيناريو
يعجبنى دائما كتابتك واتمنى لك كل الخير; 25 يناير 2009 في 4:10 م
m.sobhy1990@gmail.com يقول...: وسطرين عارفين مكانهم
فى قلبى
بيروحوا يناموا فيه
ويرتاحوا
علشان بيخافوا كل العيون المستبيحة
لدهشتى; 25 يناير 2009 في 10:47 م
سميرة يقول...: الغالية جدا

بالنسبة للبوست اللي فات

ازميرالدا
ازميرالدا

très BELLE

************

انا نزلتها عندي وعمالة بسمعها
يمكن مش فاهمة اوي
بس
انا بحب الرواية جدا

وكمان صوت "جارو" عجبني جدا
merci; 27 يناير 2009 في 11:30 ص
Zianour يقول...: جنة
والله يا جنة روح الحياة دي موجودة في اي مكان فيه بشر عاديين وبما ان مصر فيها الكثير الكثير من البشر فأكيد صخب الحياة هيكون اوقع
تحياتي

دودا
اهلا بيكي من تاني
ويا ستي شكرا على الكلام الكبير ده انتي بتكسفيني
واتفضلي قهوة معانا ولا فانيليا فرنساوي
وصباحك ياسمين..

ام الزعارير الحلوين
منورة ومنور هنا وعندك
والغربة غربة النفس والصاحب..
ربنا يبعدنا عنها
منورانيييييي

سمورة
منورة ومنور وهابعت لك ايميل ارد بيه على كل حاجة
بوسي القبيلة

استاذ ابوالعلا
شكرا لاطرائك الجميل وبعض مما عندكم; 28 يناير 2009 في 4:34 ص
Zianour يقول...: محمد يا صبحي

((:

الكلام ده كبييييير كبييير كبيييير
ماذا اقول بعد كل ما قيل؟؟؟!!!!

المهم كتب المعرض اخبارها ايه؟؟؟; 28 يناير 2009 في 4:50 ص
واحد من البلد دى يقول...: السلام عليكم

إيه..

مافيش صراخ أطفال

ولا مصروف يا بابا

ولا نطبخ إيه النهارده

الحاجات دى برضه بتحصل..

كل يوم

تحياتى على بلاغة التدوينة رغم قصرها

تقبلى مرورى; 28 يناير 2009 في 10:26 ص
Zianour يقول...: واحد من البلد

ههههه

طبعا فيه..

امال عنوان "كل يوم" ده بيعمل ايه
عشان نفتكر الحاجات الجميلة دي

تحياتي; 29 يناير 2009 في 12:43 ص